Малоритское благочиние

Паводле апошняга перапісу насельніцтва 2011г. у Маларыце пражывала 11713 чалавек. У апошні час у горадзе прыкметна пабольшала вернікаў. Таму ў адным храме райцэнтра, якi ўзводзіўся больш за 100 гадоў таму, (тады ў Маларыце пражывала крыху больш за 2500 чалавек) падчас богаслужэнняў стала цеснавата. Часова быў знойдзены выхад. Кожную нядзелю, а таксама ў дні двунадзясятых і вялікіх свят у храме праходзяць дзве службы. Таму было прынята рашэнне пабудаваць новую царкву ў густанаселеным мікрараёне Маларыты. У 2012г. быў зарэгістраваны прыход у гонар Маларыцкага абраза Божай Маці, выдзелены зямельны ўчастак плошчай 1,05 га, зроблены прект. 2 ліпеня гэтага года на месцы, дзе планавалiся земляныя работы па ўзвядзенні новага храма, быў адслужаны малебен на пачатак добрай справы. Пачалося праведзенне неабходных работ для далейшага будаўніцтва царквы.

Праваслаўныя вернікі горада і раёна з асаблівым нецярпеннем чакалі 26 кастрычніка. Гэты дзень для іх стаў незабыўным, асабліва велічным, узнёслым, кранальным… 26 кастрычніка – дзень, калі адбыўся ўрачысты чын заснавання новага храма ў райцэнтры ў гонар Маларыцкага абраза Божай Маці.

Працягваецца плённае супрацоўніцтва Маларыцкага прафесійнага ліцэя сельскагаспадарчай вытворчасці з Мікалаеўскай царквой райцэнтра і Маларыцкім благачыннем. З пачатку новага навучальнага года навучэнцы гэтай установы адукацыі ўжо 3 разы пабывалі ў храме. У час чарговай азнаямляльнай экскурсіі, якую праводзіў протаіерэй Віктар Паляціла, настаяцель Мікалаеўскай царквы, благачынны Маларыцкай царкоўнай акругі, размова зайшла пра храм, яго архітэктуру, унутраную будову. Настаяцель таксама расказаў пра абразы і святых, пра асаблівасці богаслужэння, царкоўныя святы, таемствы…

Напрыканцы сустрэчы протаіерэй Віктар Паляціла адказаў на пытанні прысутных.

У верасні ў царкве ў гонар Нараджэння Прасвятой Багародзіцы в.Ляхаўцы адбылося святочнае богаслужэнне. Яно было прымеркавана да 120-годдзя з дня асвячэння прастола храма. Пасля заканчэння бажэственнай літургіі, на якой прысутнічалі таксама і вернікі з навакольных вёсак і райцэнтра, адбыўся хрэсны ход вакол царквы і быў адслужаны малебен. Да вернікаў са словамі шчырага віншавання з нагоды памятнай даты ў жыцці прыхода звярнуліся святары: протаіерэй Віктар Паляціла, благачынны Маларыцкай царкоўнай акругі, і іерэй Віталь Равінскі, настаяцель храма.

Маларыцкі прафесійны ліцэй сельскагаспадарчай вытворчасці не адзін год супрацоўнічае з Мікалаеўскай царквой райцэнтра і Маларыцкім благачыннем. На новы навучальны год таксама запланавана шэраг сумесных мерапрыемстваў. Гэта, напрыклад, акцыі, выхаваўчыя гадзіны, конкурсы, выставы, гутаркі, сустрэчы.

Для навучэнцаў прафесійнага ліцэя прадугледжана прэзентацыя бібліятэкі, што існуе пры Мікалаеўскай царкве райцэнтра, прагляд відэафільмаў праваслаўнай тэматыкі, выстава творчых работ, якая прымеркавана да Нараджэння Божага, ранішнік, прысвечаны Уваскрэшанню Хрыстову, экусурсіі-знаёмствы з праваслаўнымі храмамі Брэста і Маларытчыны. Святары таксама прымуць удзел у пасяджэннях савета прафілактыкі ўстановы адукацыі, бацькоўскіх сходах, семінары-практыкуме, інфармацыйных гадзінах…

Нядаўна навучэнцы прафесійнага ліцэя пабывалі на экскурсіі ў Мікалаеўскай царкве райцэнтра. Протаіерэй Віктар Паляціла, настаяцель храма, благачынны Маларыцкай царкоўнай акругі, правёў цікавую экскурсію, расказаў пра асаблівасці праваслаўнай веры, даў духоўныя настаўленні.

У Нядзельнай школе пры Мікалаеўскай царкве г. Маларыта нядаўна прайшоў чарговы сход святароў Маларыцкага благачыння. Яго ўзначаліў протаіерэй Віктар Паляціла, благачынны Маларыцкай царкоўнай акругі. Спачатку прысутныя былі азнаёмлены з вынікамі пасяджэння епархіяльнага савета. Затым увага святароў была скіравана на далейшую рэалізацыю прынятага Архіерэйскай нарадай у лютым 2015г. у г.Масква палажэння “Аб удзеле верных у Еўхарысціі”, аб выкананні цыркулярнага пісьма “Аб усенародным спяванні за богаслужэннем”.

Святары Маларыцкага благачыння абмяркоўвалі і праект дакумента “Аб царкоўным шлюбе”. Таксама былі разгледжаны пытанні бягучага царкоўнага жыцця на прыходах, намечаны планы на будучае.

Скончыліся летнія канікулы, пачаўся новы навучальны год. У аўторак на ўрачыстых лінейках прагучаў першы званок, які даў пачатак чарговаму навучальнаму году. Для адных – гэта пачатак шляху па краіне Ведаў, для іншых – завяршэнневучобы.

11 августа, в день, когда во многих храмах Русской Православной Церкви празднуется память Рождества святителя Николая Чудотворца, епископа Мир Ликийских, в Николаевском храме г. Малорита благочинный церквей Малоритского округа протоиерей Виктор Полетило возглавил служение соборной Божественной литургии в ознаменование 1000-летия со дня праведной кончины святого равноапостольного князя Владимира.

После сугубой ектении была прочитана молитва о мире и преодолении междоусобной брани на Украине.

После окончания Божественной литургии был совершён крестный ход вокруг храма и отслужен молебен.

Православное христианство располагает достаточно большим количеством значимых праздников. Существенная часть религиозных дат, так или иначе, имеет непосредственное отношение к святым угодникам – людям, жившим когда-то на Земле, исполнявшим в полной мере Божьи законы, совершавшим добрые поступки, выполняющим все каноны и предписания Церкви. Праведников, канонизированных после смерти, немало, но есть среди них те, чьи имена знакомы даже человеку, придерживающемуся атеистических взглядов. Один такой святой родом из Италии, но считается покровителем Руси и помощником на всякую потребу – это Николай Чудотворец.

29 июля\ 11 августа во всем христианском мире чтят память Рождества праведного святителя.

Настаўнікі Нядзельнай школы пры Мікалаеўскай царкве г.Маларыта, вучні і іх бацькі, а таксама протаіерэй Віктар Паляціла, благачынны Маларыцкай царкоўнай акругі, нядаўна пабывалі на экскурсіі па святых месцах Палесся. У г.Мікашэвічы (Пінская епархія) яны наведалі царкву ў гонар Нараджэння Іаана Прадцечы, дзе знаходзіцца цудатворны абраз Божай Маці “Казанская”. Затым пабывалі ў Мікалаеўскім храме в.Кажан-Гарадок (Лунінецкі раён), які пабудавана ў 1818г. без адзінага цвіка.

Пасля маларытчане пераехалі ў Тураўскую епархію. У іх выклікаў захапленне кафедральны сабор у гонар асветнікаў Кірылы і Лаўрэнція Тураўскіх, а таксама Барыса-Глебскія могілкі, якія знаходзяцца на месцы аднайменнага манастыра. Тут шмат стагоддзяў таму служылі Усявышняму святыя беларускай зямлі Кірыла Тураўскі, Лаўрэнцій Тураўскі і Марцін Тураўскі. Зараз на могілках пабудавана праваслаўная царква. У старой іх частцы ў апошнія гады XX стагоддзя з-пад зямлі пачаў з’яўляцца каменны крыж з вышчарбленай паверхняй.

Настаўнікі, вучні і іх бацькі таксама наведалі Тураўскі краязнаўчы музей, пабывалі ля помніка Кірылу Тураўскаму…

Экскурсія была цікавай і пазнавальнай. Яна пакінула незабыўны след у душы кожнага.

Шматлікімі святынямі славіцца Маларытчына. Адной з іх з’яўляецца Лукаўскі абраз Божай Маці, ушанаванне якога выпадае на пятніцу на 10-ым тыдні пасля Вялікадня. Па благаславенні Іаана, епіскапа Брэсцкага і Кобрынскага, 18 чэрвеня гэтага года пакладзена адраджэнне агульнаблагачыннага хрэснага ходу да Лукаўскага абраза Багародзіцы. Апошні раз ён адбыўся, па словах старажылаў, напрыканцы 50-ых гадоў мінулага стагоддзя.

18 чэрвеня ў 9.20 ад Мікольскага храма г. Маларыта выйшаў пешы хрэсны ход праз вёскі Ляхаўцы і Макраны. Больш за 100 паломнікаў ва ўзросце ад 6 да 82 гадоў на чале з протаіерэем Віктарам Паляцілам, благачынным Маларыцкай царкоўнай акругі, протаіерэем Анатоліем Дударчуком, протаіерэем Сергіем Струнцам накіравалася ў Лукава. Большасць удзельнікаў хрэснага ходу – гэта жыхары райцэнтра, вёсак Хаціслаў, Олтуш, Велікарыта і іншых населеных пунктаў Маларытчыны, а таксама — суседніх раёнаў вобласці, Гомельскай вобласці, прыгранічных раёнаў Украіны. Былі паломнікі нават і з Расіі. Агульная працягласць маршруту — прыблізна 27 кіламетраў.