Малоритское благочиние

Падведзены вынікі Брэсцкага епархіяльнага этапу XIІ Міжнароднага конкурсу дзіцячай творчасці “Прыгажосць Божага свету”. Журы творчага спаборніцтва высока ацаніла работу “Залатая восень” Юліі Падлужнай у намінацыі “Прыгажосць роднай прыроды”. Яе малюнак разам з яшчэ 14 работамі-пераможцамі накіруюць у Маскву для ўдзелу ў заключным этапе конкурсу. Лепшыя малюнкі творчага спаборніцтва будуць прадстаўлены на выставе, якая будзе дзейнічаць падчас правядзення XXV Міжнародных Калядных адукацыйных чытанняў.

Юлія Падлужная вучыцца ў 2 “А” класе раённай гімназіі, наведвае заняткі ў Нядзельнай школе пры Мікалаеўскім храме г.Маларыта.

-Я з нецярпеннем кожны тыдзень чакаю заняткаў у Маларыцкай дзіцячай школе мастацтваў, - гаворыць Юлія. – Вучыцца на выяўленчым аддзяленні мне вельмі падабаецца. У мяне цудоўная настаўніца Жанна Уладзіміраўна Крывенка.

-Юля, а хто прапанаваў прыняць удзел у творчым конкурсе?

-Пра конкурс расказала Жанна Уладзіміраўна. Настаўніца мяне ім зацікавіла. Падтрымала жаданне паўдзельнічаць мама Ірына Мікалаеўна. Я, параіўшыся з мамаю, вырашыла намаляваць прыроду Маларыты восенню. Яна такая прыгожая! Работа выканана фарбамі. Малявала яе на 2 занятках.

Будзем спадявацца, што журы заключнага этапу Міжнароднага конкурсу дзіцячай творчасці “Прыгажосць Божага свету” малюнак Юліі Падлужнай адзначыць узнагародай.

На здымку: Юлія Падлужная, адна з пераможцаў епархіяльнага этапу XIІ Міжнароднага конкурсу дзіцячай творчасці “Прыгажосць Божага свету”, і яе малюнак.

Фота аўтара.