Малоритское благочиние



Литургия

Трезвитесь

Последование молебного пения при изъявлении обета трезвости


Иерей: Благословен Бог наш... Слава Тебе, Боже наш, слава Тебе. Хор: Царю Небесный...

Диакон: Миром Господу помолимся... (Мирная ектения). После же «О плавающих...»: О еже простити всякое прегрешение вольное и невольное рабом Твоим (имена) и еже милостиву быти к ним, Господу помолимся. О еже не помянути грехи юности и неведения их, но милостиво спасение и воздержание им даровати, Господу помолимся. О еже посетити их посещением Святаго Своего Духа и исцелити всяк недуг и страсть, в них гнездящийся, Господу помолимся. О еже благословити доброе намерение и дело рабов Твоих (имена) и благословити благополучно начатии и спешно, кроме всякаго преткновения, скончати, силою, действием и благодатию Пресвятаго Духа, Господу помолимся. О еже приставити им и делу их Ангела-хранителя, во еже невидимо отразити вся противныя вещи видимых и невидимых враг, и подати им к свершению силу и во всем благоспешество, силою, действием и благодатию Пресвятаго Духа, Господу помолимся. О еже избавити имже и нам всякия скорби, гнева и нужды, болезни и печали, Господу помолимся. Заступи, спаси, помилуй... Пресвятую, Пречистую, Преблагословенную...

Иерей: Яко подобает Тебе...

Диакон: Бог Господь и явися нам... Исповедуйтеся Господеви... Обышедше, обыдоша мя... Не умру, но жив буду... Камень, Его же небрегоша зиждущий...

Хор: тропарь, глас 4-й: Скорый в заступлении един сый, Христе, скорое свыше покажи посещение страждущим рабом Твоим, и избави от недуг и горьких болезней, и воздвигни во еже Пети Тя и славити непрестанно, молитвами Богородицы, Едине Человеколюбче. Тропарь Покрову Пресвятой Богородицы, глас 4-й : Днесь, благовернии людие, светло празднуем, осеняеми Твоим, Богомати, пришествием, и к Твоему взирающее пречистому образу, умильно глаголем: покрый нас честным Твоим покровом и избави нас от всякаго зла, молящее Сына Твоего, Христа Бога нашего, спасти души наша. Слава, глас 4-й: Правило веры и образ кротости, воздержания учителя яви тя стаду твоему яже вещей истина; сего ради стяжал еси смирением высокая, нищетою богатая, отче священноначальниче Вонифатие, моли Христа Бога спастися душам нашим. И ныне, глас 8-й: В тебе, отче, известно спасеся, еже по образу: приим бо крест, последовал еси Христу, и дея учил еси презирати убо плоть, преходит бо; прилежати же о души, вещи бессмертней. Темже и со Ангелы срадуется, преподобие Моисее, дух твой. Запевы: Слава Тебе, Боже наш, слава Тебе! Иисусе сладчайший, спаси нас! Пресвятая Богородице, заступи нас! Святителю отче Вонифатие, моли Бога о нас! Преподобный отче Моисее, моли Бога о нас! Вси святии, молите Бога о нас! Слава и ныне ...

Диакон: Паки и паки... Заступи, спаси, помилуй... Пресвятую, Пречистую... Иерей: Яко Благ и Человеколюбец... Прокимен, глас 1-й: Буди, Господи, милость Твоя на нас, якоже уповахом на Тя. Стих: Радуйтеся праведнии о Господе, правым подобает похвала. Иерей: Вонмем. (Рече Господь...). Читается Евангелие Ин. 14, 10-21. По Евангелии те же запевы. Засим: Акафист.

Хор: Не имамы иныя помощи... Милосердия двери отверзи нам... Слава, и ныне; Под Твою милость...

Диакон: Помилуй нас, Боже... (Сугубая ектения). Не хотяй смерти грешника, но еже обратитися и живу бытии ему, пощади и помилуй страждущих рабов Твоих (имена). Исцели болезни, уврачуй страсти душ и телес их, яко Боагосерд; прости им вся прегрешения их вольная и невольная, и скоро водвизни их от пути погибели; молим Ти ся, услыши и помилуй. Поспешествуяй всем во благое, Господи Спасе наш, помози милостивно рабом Твоим сим (имена), к Тебе молящимся, и в благополучное совершение благому намерению их спешно произвестися благослови, молим Ти ся, Всемогущий Владыко, услыши и помилуй. В славу Твою вся творити повелевый, Господи рабом Твоим сим (имена) к Твоей славе дело свое начинающим, благословением Твоим поспешество благополучное с довольством к совершению подаждь, здравие им со благоденствием даруй, молим Ти ся, Вседаровитый Творче, услыши и милостиво помилуй. Призри Владыко Человеколюбче, милостивым оком Твоим на рабов Твоих сих (имена) и услыши моления наша, с верою Тебе приносимыя, Сам бо рекл еси: «Вся, елика молящееся просите, веруйте, яко примите - будет вам», и паки: «просите и дастся вам»; сего ради и мы, аще и недостойнии, уповающее на милость Твою, просим: подаждь благость рабом Твоим сим (имена) и исполни благая желания их, мирно же и тихо в благочестии и чистоте вся их соблюди; рцем вси: скоро услыши и милостиво помилуй.

Иерей: Услыши ны Боже... Диакон: Господу помолимся. Хор: Господи, помилуй.

Затем сам дающий обет читает во всеуслышание следующее молитвенное обещание: Владыко Господи Иисусе Христе Сыне Божий, аз, недостойный раб Твой (имя), Познав пагубу страстей, обуревающих мя, и грехов, от них исходящих; пред пречистым образом Матере Твоея, Преблагословенныя Владычицы нашея Богородицы, сим изъявляю твердое намерение и даю крепкое обещание не пить вина и ничего хмельного, а также не соблазнять к тому и других, равно не принимать никакого участия в различного рода зазорных играх, и не произносить скверных гнилых слов в грядущее время от сего дня и сего часа. О, Премилосердный и Всещедрый Иисусе Христе, благослови благое намерение мое сие и помози ми, слабому и немощному рабу Твоему (имя) силою Честнаго и Животворящаго Креста, молитвами Всепречистыя Владычицы нашея Богородицы и всех святых Твоих благополучно совершити его к славе Твоей во спасение души моей! Аминь. Диакон: Господу помолимся. Хор: Господи, помилуй. Иерей читает молитву Спасителю: Господи, Спасителю наш, претерпевый великое искушение в пустыне от Диавола, не допусти нас бытии его послушными рабами.

Комментарии

Ваш комментарий

* Ваш комментарий будет доступен для редактирования в течение 10 Минут

Имя:

Введите код с картинки:

Контакты:

273298808

Партнеры:

Поддержите наш сайт, посетите проект партнеров: